მაია ასათიანი ნოე სულაბერიძის საავტორო გადაცემაში თავის ცხოვრებაზე გულახდილად ისაუბრა.

როგორც ჟურნალისტმა აღნიშნა, მამას მხოლოდ გარდაცვალების შემდეგ აპატია.

„მამას ჩემი შვილის, ნუცას პანაშვიდზე მოსვლა ავუკრძალე… როდესაც მამა მოკვდა, ეს ამბავი დედამ გამაგებინა. დავფიქრდი, უნდა წავსულიყავი თუ არა პანაშვიდზე. ბევრი ვიფიქრე, მაგრამ წავედი. დედაჩემი გამომყვა…. მოკვდა ადამიანი, ჩემი ბიოლოგიური მამა, ჩემი გენეტიკური კოდის 50% და მე ვერაფერს განვიცდიდი. მიუხედავად იმისა, რომ ერთი წუთი არ გვიცხოვრია ერთად, მე საოცრად ვგავდი მას… ჩემ წინ ესვენა ადამიანი, რომელიც ჩემია და მე ვერაფერს ვერ ვგრძნობდი. ვუყურებდი მიცვალებულს და არაფერს განვიცდიდი ყველაფერი უნდა გაკეთდეს, რომ ეს კავშირი არ დაირღვეს. მაშინ ვაპატიე და გავუშვი ის ტკივილი ჩემგან, იმიტომ რომ მეც ცოდო ვიყავი და ისიც ცოდო იყო. არ ვნანაობ რომ სიცოცხლეში არ ვაპატიე…“, – ამბობს მაია ასათიანი.