მწერალი გურამ დოჩანაშვილი მძიმე ავადმყოფობის შედეგად 82 წლის ასაკში გარდაიცვალა.

დოჩანაშვილი "ნიუ ჰოსპიტალის" რეანიმაციულ განყოფილებაში გადიოდა მკურნალობას. ის სასუნთქ აპარატზე იყო შეერთებული და მდგომარეობა მძიმე იყო.

გურამ დოჩანაშვილი 1939 წლის 26 მარტს ქ. თბილისში დაიბადა. 1962 წელს დაამთავრა თსუ-ის ისტორიის ფაკულტეტი. 1968 წელს გურამ დოჩანაშვილი მწერალთა კავშირში მიიღეს. გურამ დოჩანაშვილის პირველი მოთხრობები 1961 წელს დაიბეჭდა ჟურნალ „ცისკარში“. მწერალი არის ლიტერატურული პრემია - "საბას" ლაურეატი ნომინაციაში - "ლიტერატურის განვითარებაში შეტანილი განსაკუთრებული წვლილისთვის.