მუხათგვერდის სასაფლაოზე, არჩილ ტატუნაშვილის , საფლავთან მოძრაობა "საქართველოსთვის" მივიდნენ - მათ ტატუნაშვილის ხსოვნას პატივი მიაგეს და მისი საფლავი ყვავილებით შეამკეს.

რუსი ოკუპანტების მიერ წამებით მოკლული არჩილ ტატუნაშვილი დღეს 38 წლის გახდებოდა. ყოფილი სამხედრო რუსმა ოკუპანტებმა საოკუპაციო ხაზიდან 2018 წლის 22 თებერვალს გაიტაცეს, შემდეგ კი, 2008 წლის ომში მონაწილეობის გამო, წამებით მოკლეს.

ტატუნაშვილის მკვლელობის საქმეზე ბრალდებულები ამ დრომდე არ დასჯილან - მათ ინტერპოლი წითელი ცირკულარით ეძებს.