ოკუპანტების ტყვეობაში მყოფი ზაზა გახელაძის ცოლი ირმა ბუთხუზი მეუღლესთან შეხვედრის შესახებ მედიასთან საუბრობს და აცხადებს, რომ დე-ფაქტო ცხინვალში მყოფ გახელაძეს მის გამოსახსნელად საქართველოს მხრიდან რაიმე ნაბიჯის გადადგმის იმედი აღარ აქვს:

"მივედით ცხინვალის ციხეში, ზაზაც მალევე შემოიყვანეს. ვიყავით ე.წ. პაემნების ოჯახში, მე ზაზას მამა და ბავშვები. უიმედოდაა, ერთადერთი იმედი რაც მქონდაო იყო 2 მესაზღვის დაჭერა, მაგრამ ეს იმედი ისე მალე მოკვდა ვერც მივხვდი, რა შეიძლება ყოფილიყო და რატომ გააკეთესო. ზაზას ეუბნებიან [ოკუპანტები], რომ საქართველოს ჰყავს ჩვენი პატიმრები და რატომ არ ელევიან თუნდაც ერთ პატიმარში, რომ გაგცვალონო. არ ვიცი ვის გულისხმობენ, ვინ არის ეს პატიმარი და როდიდანაა ჩვენთან. ზაზა ელოდა, რომ რუს პატიმრებში გაცვლიდნენ. შემოსვლისთანავე მითხრეს, რომ შენ ისეთ მდგომარეობაში იყავი, შენს მხარეს, რომ ემოქმედა 9 სააათს არ გაგაჩერებდნენ აქო.

ოკუპანტები ფიქრობენ, რომ საქართველო არ მუშაობს სათანადოდ, გამოდის, რომ ზაზაც ასე ფიქრობს, თორემ რაღაცის იმედი რომ ჰქონოდა, იტყოდა. დამშვიდობებისას კი მითხრა 12 წელი, როგორ გავძლოთ ერთმანეთის გარეშეო", - ამბობს ირმა ბუთხუზი.

ირმა ბუთხუზი გუშინ, ოჯახთან ერთად ცხინვალის ციხეში ქმრის სანახავად იმყოფებოდა.