მომღერალი, მირანდა მირიანაშვილი, რომელმაც რუს პროპაგანდისტს და პუტინის მეგობრებს საქართველოში უმასპინძლა სოციალურ ქსელში სპეციალურ მიმართვას ავრცელებს.

მირიანაშვილი წერს,რომ დღეის დრამის ყველა მონაწილეს სამშობლოს სიყვარული ამოძრავებს და თითოეულს სიკეთეს, ჯანმრთელობას და სიყვარულს უსურვებს.

საზოგადოებას ბოდიშს უხდის, თუმცა დასძინა , რომ უსგავსო არაფერი ჩაუდენია.

"მიყვარს თავდავიწყებით ჩემი ქვეყანა.მიყვარს ჩემი ხალხი.ისინიც ვინც მლანძღავს.არ მიცნობს,მაგრამ გააფთრებით მთათხავს და ცდილობს ლაფი დაგვასხას მე,ჩემ ოჯახს,სტუმრებს,გეფიცებით ესაა რასაც ამ წუთს განვიცდი!..ვიცი, დღეის დრამის ყველა მონაწილეს სამშობლოს სიყვარული ამოძრავებს.

თითოეულს სიკეთეს ვუსურვებ,ჯანმრთელობას და სიყვარულს,ამითაა სავსეა ეხლა ამ მწარე წუთებში ჩემი გული,სიყვარულით,რომელიც აუცილებლად გადაგვარჩენს ყველას.

გაუმარჯოს ჩვენ საქართველოს ,თქვენ გაგიმარჯოთ ყველას,მაპატიეთ თუ რამე გაწყენინეთ,არაფერი ჩამიდენია უმსგავსო.

გთხოვთ,არ მომწეროთ კომენტარი,და ნურც ამ ჩემი ამოძახილის შეფასებით შეწუხდებით.მინდა თითოეულს გითხრათ რომ მიყვარხართ და ამის გააზრება ეხლა მხდის ბედნიერს" ,- წერს მირინაშვილი.