ეროვნული ბანკის პრეზიდენტი, კობა გვეტენაძე, ლარის გაუფასურებასთან დაკავშირებით საუბრისას აცხადებს, რომ წელსაც დახარჯავენ რეზერვებს, თუმცა მისივე თქმით, ეს არსებულ მძიმე ვითარებას მნიშვნელოვნად ვერ შეცვლის.

"გასულ წელს ძალიან დიდი რაოდენობით რეზერვები დავხარჯეთ და ჩვენ ამ წელსაც დავხარჯავთ. იმ დღეებშიც ვხარჯავთ, როდესაც არ ქვეყნდება ინტერვენციების შესახებ ინფორმაცია, რადგან გვაქვს შესაბამისი მექანიზმი. ვადასტურებ და ვაანონსებ, რომ წელსაც დავხარჯავთ რეზერვებს, ოღონდ ისე, რომ რასაც განსაზღვრავს ფუნდამენტური ფაქტორები, ის ამას ვერ შეცვლის, ეს რაოდენ სამწუხაროც არ უნდა იყოს. იმ შემთხვევაში თუ ამ ფუნდამენტური ფაქტორების შეცვლას შევეცდებით, ეს ორმაგად უფრო დიდი გაუფასურებით და უფრო მაღალი ინფლაციით დაგვიბრუნდება,"- აცხადებს გვენეტაძე.