"აფხაზეთი არასდროს იქნება საქართველოს ნაწილი" - ამ ფრაზის ავტორი და რუსი პროპაგანდისტი, ვლადიმირ პოზნერი მოსკოვიდან თბილისში დაბადების დღის აღსანიშნად ჩამოვიდა - მასთან ერთად "აირზენას" ჩარტერული რეისით შოუ ბიზნესისა და მედიის წარმომადგენლები ჩამოვიდნენ, სულ 50 ადამიანი.

ვლადიმირ პოზნერი რუსეთის პრეზიდენტთან, ვლადიმირ პუტინთან დაახლოებული პირია.

პოზნერის საქართველოში დაბადების დღის აღსანიშნავად ჩამოსვლას მასთან ერთად მყოფი პირებიც ადასტურებენ.

ერთ-ერთი ორგანიზაცია, რომელიც საქართველოში რუსული იდეოლოგიისა და მიზნების პროპაგანდას ეწევა, რუსკი კლუბია. კლუბს ვლადიმერ პუტინის ფონდთან ერთად, ქართველი ოლიგარქის ბიძინა ივანიშვილის ფონდი "ქართუც" აფინანსებს.