ჯანდაცვის მინისტრის ეკატერინე ტიკარაძის თქმით, მოსახლეობის აქტივობის გაზრდის გათვალისწინებით, კორონავირუსზე ვაქცინაციას 55 წელს ზემოთ ასაკის პირებიც შეძლებენ. მისივე განცხადებით, ვაქცინა ხელმისაწვდომი იქნება, ასევე დიალიზის პაციენტებისათვის და ორგანოგადანერგილი ადამიანებისთვის:

"„ჩვენ ვიმსჯელეთ იმ კალენდართან მიმართებაში, რომლითაც დღეს საქართველო ხელმძღვანელობს ვაქცინაციის პროცესის წარმართვასთან მიმართებაში. საბჭომ მიიღო დამატებითი გადაწყვეტილება იმასთან დაკავშირებით, რომ ვაქცინაციის ჯგუფს ჩვენ დავამატებთ ჩვენს მოქალაქეებს 55 წლის ზემოთ. ეს გამოწვეულია იქიდან, რომ ჩვენ დავაკვირდით თუ დიდია ინტერესი და რამდენად კარგი არის აქტივობა ჩვენს მოქალაქეებში, რომლებიც არიან 65 წელს ზევით. ასევე იყო საკმაოდ დიდი მოთხოვნა სწორედ იმ ჯგუფს შორის, რომელიც 55-დან 65 წელს მოიცავდა", - განაცხადა ტიკარაძემ.