დღეს მცხეთა-თბილისის მუდმივმოქმედი ეპარქიული კომისიის სხდომა ჩაინიშნა, სადაც მთავარი განსახილველი საკითხი მღვდელ-მონაზონ ანდრია სარიას საჯაროდ გაკეთებული განცხადებები იქნება. ანდრია სარიამ სინოდის წევრები არა ერთხელ გააკრიტიკა, ასევე ღიად ისაუბრა საპატრიარქოში არსებულ პრობლემებზე, რის გამოც მას მღვდელმსახურება წელიწადნახევრის წინ შეუჩერეს, დღეს კი, სავარაუდოდ, სასულიერო პირის სტატუსსაც ჩამოართმევენ.

"რჯულის კანონით მაქვს მე უფლება მოვითხოვო რაში მედება ბრალი. ის განცხადებები, ცუდი განცხადებები რბილად რომ ვთქვა, რაც მეუფე სტეფანეს მხრიდან გაკეთდა მონაზონზე, სხვა სასულიერო პირებზე, ამის გადაფარვას ცდილობს ჩემი აზრით საპატრიარქო", - განაცხადა მღვდელ-მონაზონმა.