კრისტიან დანიელსონის მედიაციით დაგეგმილ შეხვედრამდე ზურაბ ჯაფარიძე ამბობს, რომ ვითარების პროგნოზირება შეუძლებელია. მისი თქმით, დღეს მედიატორი პირველად დადებს საკუთარ წინადადებებს. აქამდე მსგავსი რამ არ ყოფილა:

"არ მაქვს საფუძველი, რომ განსაკუთრებით ოპტიმისტურად შევდიოდე და არც იმის საფუძველი მაქვს ვთქვა, რომ არაფერი არ გამოვა. უფრო სკეპტიკურად ვარ, სიმართლე რომ ვთქვათ, მაგრამ დღეს განსხვავებული დღეა ყველა სხვა მოლაპარაკებების დღეებისგან იმით, რომ დღეს მედიატორი პირველად დადებს საკუთარ წინადადებებს. აქამდე მსგავსი რამ არ ყოფილა. გუშინ რაც გვითხრეს არის ის, რომ ან დავთანხმდებით ამ წინადადებას, ან არ დავთანხმდებით. გააჩნია წინადადებაში რა იქნება". – თქვა ჯაფარიძემ.