ხატია სიჭინავა სოციალურ ქსელში მიმართვას ავრცელებს და წერს, რომ მთავრობა აღდგომისთვის ჩასაკეტად ემზადებდა.

ტელეწამყვანი 3 აპრილს კი აქციას აანონსებს და საზოგადოებას მოუწოდებს გამოვიდეს და გააპროტესტოს კომენდანტის საათი და ფასების ზრდა.

„მოკლედ დაიწყეს ციფრების ზრდა და აღდგომისთვის ჩასაკეტად ემზადებიან, რასაც ვერანაირად ვერ გაუძლებს ჩვენი ქვეყანა, სადაც 3-ლარიანი ზეთი უკვე 8 ლარი გახდა. ეს უაზრო რეგულაციები მათ არ ეხებათ! ეს ჩვენი ჩაგვრაა! ვინც უკანონოდ დაგაჯარიმეს ამ გაჭირვების დროს, ვინც წამლის საყიდლად ვერ გადის 9 საათის შემდეგ, რადგან იმათ ასე უნდათ! ვისაც მოგბეზრდათ ტყუილში ცხოვრება, 3 აპრილს ყველას გელოდებით", - წერს ხატია სიჭინავა.