დაავადებათა კონტროლის ეროვნული ცენტრის ხელმძღვანელის ამირან გამყრელიძის განცხადებით, გუშინ ჯანდაცვის სამინისტროში შევიდა ამერიკული კომპანიის Novavax-ის კონტრაქტი. გამყრელიძის თქმით, აღნიშნული კომპანია ვაქცინების ერთ-ერთი უდიდესი მწარმოებელია მსოფლიოში, საქართველო კი მისგან მილიონ დოზა ვაქცინას შეისყიდის:

"გუშინ სამინისტროში მოვიდა კონტრაქტი მეორე ძალიან პერსპექტიულ ვაქცინაზე, რომელი არის Novavax-ის ვაქცინა, რომელთანაც უკვე, დაახლოებით, 2 თვეა მიმდინარეობს მოლაპარაკებები. Novavax-ი გახლავთ ამერიკული კომპანია. მის მიერ წარმოებული ვაქცინა განხვავდება პრინციპით დღეს არსებული ასტრაზენეკას, მოდერნას, ფაიზერის ან იგივე ჩინური ვაქცინისგან, ცოტა სხვა პრინციპზეა დამყარებული მისი წარმოება.

Novavax-ი არის ვაქცინების ერთ-ერთი უდიდესი მწარმოებელი მსოფლიოში. [...] მიმდინარეობს საუბარი მილიონი დოზის Novavax-ის შესყიდვაზე", - განაცხადა გამყრელიძემ.