დიდი განხეთქილება "ქურდულ სამყაროში" - საბერძნეთში მყოფი ქართველი "კანონიერი ქურდები" ერთმანეთს დაუპირისპირდნენ. დაპირისპირება მოხდა როგორც "თავისუფლებაზე", ასევე ციხეში მყოფ პირებს შორის. აღსანიშნავია, რომ ე.წ. "სხოდკამ" საკითხის მოგვარების ნაცვლად, ის უფრო გაამწვავა.
"სხოდკაზე", რომელიც ზაზა ამბროლაძეს (ზაზა კუტაისკი) მიჰყავდა, 46 წლის ზვიად პაპიაშვილის (ზვიადი) საკითხი იხილებიდა. პაპიაშვილი აცხადებს, რომ ის "სრულფასოვანი ქურდია", მიუხედავად იმისა, რომ ის "ქურდებმა" 2008 წელს თბილისში სცემეს და მას შემდეგ მას ამ პირებისთვის "პასუხი" არ მოუთხოვია.
ამ თავყრილობაზე ზვიადს თავს კიდევ ერთხელ დაესხნენ ფიზიკურად - მას 58 წლის ნიკოლოზ შალიბაშვილმა (კოკა) შეუტია და პაპიაშვილს არც ამჯერად გაუცია მისთვის პასუხი. ამის შემდეგ, ზვიად პაპიაშვილის კიდევ ერთხელ უთხრეს, რომ ის "კანონიერი ქურდი" არ არის, სანამ ის ახალ "სხოდკას" არ მოიწვევს.
როგორც ცნობილია, ამ ინციდენტს შაქრო კალაშოვი (მალადოი) გამოეხმაურა და განაცხადა, რომ "კოკა ტყუილად ხელს არავის დაარტყამდა".
შეგახსენებთ, რომ ცოტა ხნით ადრე ზვიადმა უარი უთხრა მერაბ ჯანგველაძეს (მერაბ სუხუმსკი) ამ კონფლიქტის მშვიდობიანად მოგვარებაზე. ამჟამად ზვიადს სულ უფრო და უფრო ცოტა გავლენიანი მომხრე ჰყავს, რაც "სახელის" აღდგენის შანსებს კიდევ უფრო ამცირებს.
"Прайм Крайм"-ი ასევე წერს, რომ სატელეფონო საუბრისას ერთმანეთს ახალგაზრდა "კანონიერი ქურდები" ფირუზ კავლელიშვილი (ფირო დმანისსკი) და ნოდო შუკაკიძე (ნოდო გლდანსკი) დაუპირისპირდნენ. პიროს პრეტენზიები ჰქონდა ნოდოსთან იმ ფაქტის გამო, რომ სააკაშვილის დროს, ის იმ ციხის ადნინისტრაციის წარმომადგენლებთან ერთად თამაშობდა ფეხბურთს, სადაც სასჯელს იხდიდა. თუმცა, ამ დროს შუკაკიძე "ქურდად" არ იყო აღიარებული. ანალოგიური ბრალდება კავლელიშვის ლაშა ბარათელთანაც (ჭია) აქვს.
შეგახსენებთ, რომ შუკაკიძე, ლაშა შუშანაშვილთან (ლაშა რუსტავსკი) და მერაბ ასანიძესთან (ჩიკორა) ერთად საბერძნეთში დააკავეს და 8-8 წლით თავისუფლების აღკვეთა მიუსაჯეს.
არანაკლებ მძიმე დღეშია თავად კავლელიშვილიც. "ღირსების აღდგენის" ფაქტმა - კვიპროსზე ადგილობრივი "კანონიერი ქურდის" მკვლელობამ, რომელმაც პიროს ხელი დაარტყა, "ქურდულ სამყაროში არაერთგვაროვანი გამოხმაურება გამოიწვია. ლევან ცინცაძე (კოსტა) მას ამ ქმედებას არ უწუნებს, რაზეც ფიროს კონტრპრეტენზია აქვს. ის ლანძღავს ლევანს, რომ მხარში არ უდგას "თანამემამულე-ქურდს" და იცავს მოკლულ კვიპროსელს.
"Прайм Крайм"-ის განცხადებით "ქურდული სამყარო" ალეგორიულად, დიდი ხანია აღარ წარმოადგენს "რვაფეხას", ის არის "გველი, რომელსაც საკუთარი კუდი უჭირავს პირში", მაგრამ არა ტრადიციული გაგებით, როგორც "უსასრულობის სიმბოლო", არამედ როგორც "გველი, რომელიც საკუთარ თავს ჭამს".
მასალის გამოყენების პირობები