სოციალური აგენტების განცხადებით, მათი სამუშაო სპეციფიკის, პასუხისმგებლობის, სტრესის, რისკისა და გაწეული სატრანსპორტო ხარჯის გათვალისწინებით, მიზერულ ანაზღაურებაზე მუშაობენ და სახელმწიფო მათ შრომას ადეკვატურად არ აფასებს. სწორედ ამიტომ, ისინი პრემიერ მინისტს მიმართავენ.

როგორც ღრიბაშვილისთვის გზავნილშია აღნიშნული, თუ რეაგირება არ მოხდება, სოციალური აგენტები გაიფიცებიან.

"ჩვენი სოციალური აგენტების ძალიან დიდი ნაწილი არის სოციალურად დაუცველი, რამდენადაც გავიგე, ბევრმა დაწერა განცხადება, რომ მოხვდეს სოციალურად დაუცველთა მონაცემთა ბაზაში. ამ სამსახურმა სოციალურად დაუცველები გახადა დასაქმებულები. ჩვენი ბენეფიციარების უმრავლესობა თვიურად იღებს ჩვენზე მეტ შემოსავალს. პრემიერისგან მოვითხოვთ, რომ დაინტერესდეს ჩვენი საკითხით, შეისწავლოს ეს საკითხი და ნახოს თუ როგორი საშინელება ხდება სოციალური მომსახურების სააგენტოს ქვედა რგოლებში"- განმარტავს სოციალური აგენტრი გიორგი ფუცელიანი.