ბაგები-წყნეთის დამაკავშირებელ გზას, კაკლების დასახლების სიახლოვეს, სადაც მორიგი მეწყრული ზონა გამოვლინდა, სპეციალისტები შეისწავლიან.

სპეციალისტებმა უნდა დაადგინონ, რამდენად მასშტაბურია საფრთხე.

თბილისის მერის მოადგილის განცხადებით კი, მანამ, სანამ ადგილის შესწავლა მოხდება, დამცავი კედელი მოეწყობა.

"დღეს დილით, ბაგები-წყნეთის მონაკვეთზე მიწის გარკვეული მასა ჩამოიშალა. შესაბამისად, მთელი დღის განმავლობაში მიმდინარეობდა სამუშაო პროცესის დაგეგმვა. სამუშაოები აქტიურ ფაზაში მიმდინარეობს. გეგმა შემდეგია: ჩამოშლილი მიწის მასის გატანა მოხდეს და ადგილზე სპეციალური კედელი მოეწყოს, ვინაიდან მომავალში, უშუალოდ ამ მონაკვეთზე უსაფრთხოებასთან დაკავშირებით მაქსიმალური გარანტია გვქონდეს" - აღნიშნა ირაკლი ბენდელიანმა.