"ვაქცინა 100%–ით იცავს სიკვდილისგან" , - ამის შესახებ ჯანდაცვის ექსპერტმა , აკაკი ზოიძემ განაცხადა.

მისივე განმარტებით, ასტრაზენეკას ვაქცინა 2/3 შემთხვევაში საერთოდ ვირუსის გადაცემას აჩერებს,

ის საკუთარ მაგალითზე ამბობს, რომ 10-დან ერთ შემთხვევაში შესაძლოა კორონავირუსით გარდაიცვალოს, თუმცა უშუალოდ აცრის შედეგად გარდაცვალების შანსი, რაც ახალციხელი მედდის შემთხვევაში მოხდა, ნახევარი მილიარდიდან ერთია.

“ერთლიანი დაკვირვებით, რაც დაიწყო მასობრივი ვაქცინაცია – მთავარი რაც უნდა იცოდეს მოქალაქემ, ვაქცინა 100%–ით იცავს სიკვდილისგან. ოქსფორდ–ასტრაზენეკა 2/3 შემთხვევაში საერთოდ ვირუსის გადაცემას აჩერებს, ანუ თქვენ არ გემართებათ საერთოდ კოვიდი. და თუ დაგემართათ, 100%–ით აჩერებს სიკვდილს. კოვიდი რომც დაგემართოთ, თქვენ არ მოკვდებით. ეს არის მთავარი.

ჩემს მაგალთზე გეტყვით: მე მაქვს 10–დან ერთი შანსი ჩემი ასაკიდან და ჯანმრთელობის მდგომარეობიდან გამომდინარე, რომ დამემართოს კოვიდი, გამირთულდეს და დავიღუპო და მაქვს 1 ნახევარ მილიარდთან შანსი, რომ მე აცრის შედეგად დავიღუპო, თუ გავითვალისწინებთ იმ ტრაგედიას, რაც მოხდა. ეს არის ჩვენი რისკები”,– განაცხადა ზოიძემ "ფორმულას" ეთერში.