ექიმი, ბავშვთა ქირურგი ლევან ხარაშვილი ვაქცინაციაზე საუბრისას აცხადებს, რომ თითქოს გულგრილები გავხდით ამ სიტუაციის მიმართ.

მისივე თქმით, გუშინ, ფეხბურთის ბილეთების გაყიდვა დაიწყო, 120 000 კაცი იდგა რიგში, რომ ფეხბურთზე წასულიყო და ვაქცინაციის კაბინეტები იყო ცარიელი.

"ნებისმიერ კონსტრუქციულ და შეგნებულ ჯგუფთან მუშაობას აქვს აზრი, მათ შორის სასულიერო პირებთან. რაც უფრო მეტ ადამიანს დავითანხმებთ აცრაზე, უფრო მეტი ადამიანი გადარჩება მომავალში. თან ახლო მომავალზეა საუბარი. თითქოს გულგრილები გავხდით ამ სიტუაციის მიმართ. დღეში 10-11 ადამიანი კვდება კოვიდისგან და ჩვენ ამ ინფორმაციას თითქოს ერთ ყურში შევუშვებთ და მეორედან გამოვუშვებთ. აღარ ვხმარობთ პირბადეს, აღარ ვიცავთ დისტანციას და ვაქცინაზე ვიცით რა ხდება. გუშინ, ფეხბურთის ბილეთების გაყიდვა დაიწყო, 120 000 კაცი იდგა რიგში, რომ ფეხბურთზე წასულიყო და ვაქცინაციის კაბინეტები იყო ცარიელი - ეს ხომ სრული ნონსენსია" , - აცხადებს ხარაშვილი "კომენტარში".