ჯანდაცვის მინისტრის მოადგილის თამარ გაბუნიას განცხადებით, ვებ-გვერდი, რომელზეც ვაქცინაციასთან დაკავშირებით მოქალაქეებს დარეგისტრირება შეეძლებათ, დღეს, 18:00 საათზე გამოჩნდება ინტერნეტ-სივრცეში. გაბუნიას განმარტებით, ვაქცინებს შორის არჩევანს მოქალაქე სამედიცინო დაწესებულებაში რეგისტრაციამდე გაააკეთებს:

„ასტრაზენეკას“ ვაქცინასთან ერთად, „ფაიზერის“ ვაქცინა გამოჩნდება 18:00 საათზე. თუ რომელი პრეპარატით უნდა აიცრას მოქალაქე, არჩევანი გაკეთდება სამედიცინო დაწესებულებაში რეგისტრაციის დაწყებამდე. როდესაც მოქალაქე გააკეთებს არჩევანს და აირჩევს „ასტრაზენეკას“ და „ფაიზერს“ შორის, გამოჩნდება განსხვავებული სამედიცინო დაწესებულებები, ექვსი დაწესებულება „ფაიზერის“ არჩევნის შემთხვევაში და სხვა დანარჩენი დაწესებულებები რეგიონის მიხედვით „ასტრაზენეკას“ არჩევის შემთხვევაში. არჩევანს მოქალაქე აკეთებს გარკვეული ლიმიტაციის ფარგლებში, ვიდრე ჩვენ გვეყოფა 14500 დოზა „ფაიზერის“ ვაქცინა, შემდეგ პროცესი გაგრძელდება „ასტრაზენეკას“ ვაქცინით, მაგრამ არჩევანი კეთდება მანამდე, ვიდრე მივა სამედიცინო დაწესებულებაში“, - აღნიშნა თამარ გაბუნიამ.