ვაქცინაციის ცენტრებში სულ მცირე სამი ბრიგადა იქნება მობილიზებული. საჭიროების შემთხვევაში კონკრეტულ ლოკაციებზე რაოდენობა შესაძლოა გაიზარდოს კიდეც.

ასევე, "ასტრაზენეკათი" ან "ფაიზერით" აცრის შემდგომ, პირი ადგილზე 45 წუთის განმვალობაში დარჩება.

აღნიშნულის შესახებ ჯანდაცვის მინისტრის მოადგილე თამარ გაბუნიამ ისაუბრა.

"მოთხოვნები შოკის საწინააღმდეგო მზაობისთვის აქვს ვაქცინაციის პროგრამაში მონაწილე ნებისმიერ დაწესებულებას, ეს არ შეეხება მხოლოდ კოვიდ-19 ის საწინააღმდეგო ვაქცინას. ეს არის დიდი ხნის მოთხოვნა და ეს არახალია სამედიცინო დაწესებულებისთვის.

სულ მცირე 3 ბრიგადა იქნება მობილიზებული "ფაიზერისა" და "ასტრაზენეკას" ვაქცინაციის ცენტრების ადგილზე. მოთხოვნის შესაბამისად გაიზრდება ბრიგადების რაოდენობა.

კიდევ ერთი სიახლე მოთხოვნებში არის 30 წუთის ნაცვლად 45 წუთი დაყოვების პერიოდი ვაქცინაციის შემდეგ, ორივე ვაქცინის შემთხვევაში" - განაცხადა გაბუნიამ.