ჯანდაცვის მინისტრმა ეკატერინე ტიკარაძემ "იმედის" დილის ეთერში შეზღუდვების დაწესება არ გამორიცხა, რომელიც თბილისში, იმერეთსა და გურიაში ამოქმედდება. მისი განცხადებით, იკვეთება წითელი ზონები და რეგულეციების ამოქმედებაზე მსჯელობაც დაიწყეს:

"შეზღუდვებთან დაკავშირებით არსებობს გარკვეული მსჯელობა უკვე, ვინაიდან ჩვენ საქართველოში გვაქვს რამდენიმე რეგიონი, რომელიც, როგორც შუქნიშანზე ვაკვირდებით, უკვე წითლის მიმართულებით მიდის აქტიურად.

ეს არის ამ ეტაპისთვის იმერეთი, გურია და სხვათაშორის, თბილისიც, სადაც ყველაზე მეტია მობილობა. დადებითობის კოეფიციენტი არის 2,2, ასევე, ინფექციის გავრცელების კოეფიციენტი 1-ს აღემატება, რაც, რა თქმა უნდა, მეტ სიფრთხილეს მოითხოვს. არ გამორიცხავთ შეზღუდვების დაწესებას", - განაცხადა ტიკარაძემ.