ლევან რატიანის განცხადებით, მსახიობ კახი კავსაძის ჯანმრთელობის მდგომარეობა სტაბილურად მძიმეა.

,,ბატონი კახი, დაახლოებით, ერთი თვეა რაც ჩვენს კლინიკაში მკურნალობს. 2-3 თვის წინ, მას ჰქონდა კოვიდინფექცია, რომელიც წარმატებით დაამარცხა და გაეწერა ჩვენი კლინიკიდან. მაგრამ მას აქვს რამდენიმე ქრონიკული პათოლოგია, რომელიც გაუმწვავდა გარკვეული პერიოდის შემდეგ, და სუნთქვის მწვავე უკმარისობით მოხვდა ჩვენს კლინიკაში. ამ ეტაპზე, მისი მდგომარეობა სტაბილურად მძიმეა, მხნედ არის და ვაგრძელებთ მასთან ერთად, მისი სიცოცხლის გადარჩენისთვის ბრძოლას", - განაცხადა ლევან რატიანმა.

მისი თქმით, ეს შემთხვევა არ არის პოსტკოვიდური გართულება, რადგან კორონავირუსით დაავადების დროს კახი კავსაძეს ფილტვის დაზიანების ინდექსი მცირე ჰქონდა, ხოლო გაწერისას ფილტვის დაზიანება აღარ აღენიშნებოდა.