ჯანდაცვის მინისტრის ეკატერინე ტიკარაძის განცხადებით, შესაძლოა, ქვეყანაში კორონავირუსთან დაკავშირებული შეზღუდვები ისევ დაწესდეს. ის იმედს გამოთქვამს, რომ მოსახლეობასა და ბიზნესს ეყოფა გონიერება და საზოგადოებრივი პასუხისმგებლობა, დაიცვან ყველა საჭირო ღონისძიება:

„არ გამოვრიცხავ, რომ შეზღუდვები ისევ დაწესდეს, ვინაიდან შეზღუდვები არის ეფექტური გზა. დარწმუნებული ვარ, რომ ჩვენს მოსახლეობას ეყოფა გონიერება და საზოგადოებრივი პასუხისმგებლობა, ხოლო ბიზნესს ბიზნესპასუხისმგებლობა და დაიცავენ ყველა იმ ღონისძიებას, რომელსაც შრომის ინსპექცია, დაავადებათა კონტროლის ცენტრი და ეპიდემიოლოგები მიუთითებენ და ბიზნესის მინიმალური შეზღუდვით შევძლებთ, დავძლიოთ მესამე ტალღა“,- განაცხადა ტიკარაძემ.