ჯანდაცვის მინისტრი ეკატერინე ტიკარაძე ციხის ექთნის ვაქცინაციის შემდგომ კორონავირუსის დადასტურების ფაქტს ეხმაურება და აცხადებს, რომ მას ტესტი ვაქცინაციამდე ჩაუტარდა, ხოლო პასუხმა დაიგვიანა. ტიკარაძის განმარტებით, ტესტის პასუხი ორი დღის დაგვიანებით გახდა ცნობილი:

"აღნიშნულ მედდას ტესტი ჩატარებული ჰქონდა ვაქცინაციამდე, რაც მიუთითებს იმას, რომ მას კოვიდინფექცია ჰქონდა ვაქცინაციამდე. ჩემთვის ცნობილია, რომ მას ჰქონდა გაკეთებული PCR ტესტი და ეს პასუხი მოვიდა დაგვიანებით, ორი დღის შემდეგ. ჩვენ არ გვაქვს ჯერჯერობით რეკომენდაცია, იმის შესახებ, რომ ვაქცინაციამდე სავალდებულოა ტესტის ჩატარება", - აცხადებს ტიკარაძე.