დაავადებათა კონტროლის ცენტრის დირექტორის ამირან გამყრელიძის ინფორმაციით, საქართველოში კორონავირუსის ახალი შტამის 50-მდე შემთხვევაა დადასტურებული. მისივე განმარტებით, კვლევები აჩვენებს, რომ დღევანდელი ვაქცინები ფარავს ახალ შტამს:

„ახალი შტამის დაახლოებით 50-მდე დადასტურებული შემთხვევა გვაქვს. ძირითადად ეს არის ბრიტანული შტამი, რომელიც ევროპაში ვრცელდება. ალბათ ჩვენთანაც იქნება, მაგრამ როგორც კვლევა აჩვენებს, დღევანდელი ვაქცინები ამ შტამს ფარავს“,- განაცხადა გამყრელიძემ.

გამყრელიძემ ასევე რეინფიცირების შემთხვევებზე ისაუბრა და თქვა, რომ ამ კუთხით კვლევა მიმდინარეობს:

„კვლევაშია რამდენიმე ადამიანი, თუმცა საბოლოო დადასტურებული არ არის. მატება გვექნება. რთულია თქმა, რამდენი იქნება - ეს არ იქნება ათობით, მაგრამ რამდენიმე ერთეული დაემატება“,- აღნიშნა გამყრელიძემ.