სასჯელაღსრულების დაწესებულების ექთანს კორონავირუსი მას შემდეგ დაუდასტურდა, რაც "ასტრაზენეკას" ვაქცინა გაიკეთა. ამჟამად მედიკოს ინფექციურ საავადმყოფოშია მოთავსებული და მისი მდგომარეობა სტაბილურია, თუმცა, თავს სუსტად გრძნობს.

„პაციენტი ინფექციურ საავადმყოფოში რეგიონიდან კვირას გადმოიყვანეს. ის იყო ვაქცინირებული. მისი მდგომარეობა დღეს დამაკმაყოფილებელია, მსუბუქია, ანალიზები ნორმის ფარგლებშია. კომპიუტერული ტომოგრაფიის თანახმად, მისი ფილტვების დაზიანება 1 ქულასაც არ შეადგენს. ჰოსპიტალიზაციის დროს ტემპერატურა აღენიშნებოდა, თუმცა, ბოლო ორი დღეა სიცხე არ აქვს. აღენიშნება დაავადებისთვის დამახასიათებელი საერთო სისუსტე, რაც პაციენტის ჯანმრთელობისთვის საგანგაშო და პრობლემატური არაა. ის თავს კარგად გრძნობს“,- აცხადებენ ინფექციურ საავადმყოფოში.