დაავადებათა კონტროლის ეროვნული ცენტრის დირექტორის ამირან გამყრელიძის განცხადებით, ბოლკო პერიოდში კორონავირუსით ინფიცირების მაჩვენებლმა მოიმატა, რის გამოც, გამყრელიძე საზოგადოებას მეტი სიფრთხილისკენ მოუწოდებს. მისივე განმარტებით, ქვეყანაში კორონავირუსის საწინააღმდეგო ვაქცინით აცრილთა მაჩვენებელი ყოველდღიურად იმატებს, აპრილში კი საშუალება მიეცემათ, 120-150 ათასი ადამიანი აიცრას:

"დეკემბერში, როდესაც დაიწყო ზოგიერთ ქვეყანაში ვაქცინაცია, ასეთი პროცესი იყო ყველგან - დღიურად რამდენიმე ათასის ფარგლებში. დღეს დღიურ აცრილთა რაოდენობა დაახლოებით 10 მლნ-ია და ეს თანდათან იზრდება. დარწმუნებული ვარ, ასე იქნება საქართველოშიც. იმიტომ, რომ აცრის სიკეთე ბევრად აჭარბებს რისკს, რაც შეიძლება აცრასთან მიმართებით დადგეს.

ბოლო დღეების განმავლობაში გაჩნდა რისკი - ყოველდღიური შემთხვევათა რიცხვი ოდნავ იმატებს. ეს არ არის ნახტომისებური მატება, მაგრამ იმატებს დადებითობის და ასევე ე.წ. გადადების მაჩვენებელი. აქედან გამომდინარე ძალიან ფრთხილად უნდა ვიყოთ. ეს ყველაფერი, რა თქმა უნდა, არის შემსუბუქების შედეგი. მაგრამ სერიოზული ზრდა არ არის. ეს რომ თავიდან ავიცილოთ, უნდა დავიცვათ რეკომენდაციები",- განაცხადა გამყრელიძემ.