ჯანდაცვის მინისტრის ეკატერინე ტიკარაძის განცხადებით, ახალციხეში ვაქცინაციის შემდეგ ექთნის გარდაცვალების ფაქტზე პასუხისმგებლობას გრძნობს. ტიკარაძე არ გამორიცხავს, რომ შემდეგი ეტაპისთვის ვაქცინაციის პროცესი გაფართოვდეს და კვლავ ამბულატორიაში გადაინაცვლოს:

"მომხდართან დაკავშირებით ვგრძნობ პასუხისმგებლობას, ეს არის თითოეული იმ ადამიანის პასუხისმგებლობა, ვინც ამ საკითხზე მუშაობს.

ის ფაქტი, რაც მოხდა ახალციხეში, არ გამორიცხავს, რომ შემდეგი ეტაპისთვის ვაქცინაციის პროცესი გაფართოვდეს და კვლავ ამბულატორიაში გადაინაცვლოს. ჯანმოსგან რეკომენდებულია, რომ ამბულატორიული დონეზე ხდებოდეს ვაქცინაცია",- განაცხადა ტიკარაძემ.

შეგახსენებთ, რომ ვაქცინაციის შედეგად ახალციხეში 27 წლის ექთანს ანაფილაქსიური შოკი განუვითარდა და რამდენიმე საათში გარდაიცვალა.