დაავადებათა კონტროლის ეროვნული ცენტრი განცხადებას ავრცელებს, სადაც ვაქცინაციის შემდეგ ანაფილაქსიის განვითარების რისკსა და მის იშვიათ გამოვლინებაზეა საუბარი. NCDC განმარტავს, რომ აცრის შემდეგ ანაფილაქსიის განვითარება ვაქცინის უხარისხობას არ ნიშნავს და ის დაუყოვნებელი ტიპის ალერგიაა:

"ანაფილაქსია დაუყოვნებელი ტიპის ალერგიული რეაქციაა. ანაფილაქსიის პირველი სიმპტომებია მკვეთრი ადგილობრივი რეაქცია, ქავილი, სუნთქვის გაძნელება, გამოხატული სიფერმკრთალე, არტერიული წნევის ვარდნა. ანაფილაქსიური შოკი შესაძლოა ფატალურადაც დასრულდეს.

ანაფილაქსია არის ნებისმიერი ვაქცინის შესაძლო, მაგრამ იშვიათი გვერდითი მოვლენა და მისი განვითარება არ ნიშნავს ვაქცინის უხარისხობას", - წერია განცხადებაში.

ჯანდაცვის მსოფლიო ორგანიზაციის ინფორმაციით, "ასტრაზენეკას" ვაქცინას უფრო მეტი სარგებელი მოაქვს, ვიდრე რისკი.