საქართველოში ვაქცინაცია ამბულატორიული დაწესებულებების ნაცვლად მრავალპროფილურ კლინიკებში გაგრძელდება - გადაწყვეტილება ჯანდაცვის მინისტრის მოადგილე თამარ გაბუნიამ გაახმოვანა.

ეს გადაწყვეტილება მას შემდეგ მიიღეს, რაც ახალციხეში 27 წლის ექთანს, სავარაუდოდ ანაფილაქსიური რეაქცია განუვითარდა, მას შემდეგ რაც კორონავირუსის საწინააღმდეგო ვაქცინა გაიკეთა.

"ვაქცინაციის პროცესი გაგრძელდება. ვაქცინაციის პროგრამაში მაქსიმალური უსაფრთხოების უზრუნველყოფის მიზნით, ასევე გუშინ, ექსპერტების რეკომენდაციით ჯანდაცვის სამინისტრომ და დაავადებათა კონტროლის ეროვნულმა ცენტრმა მიიღო ერთობლივი გადაწყვეტილება რომ ვაქცინაციის პროცესი ასტრაზენეკას შემთხვევაში გაგრძელდეს მრავალპროფილური სტაციონარების დონეზე. გუშინდელმა შემთხვევამ დაგვანახა რომ მიუხედავად იმისა, რომ ყველა ჩარევა შესრულდა დროულად, და ერთი წუთი არ დაკარგულა ტრანსპორტირებისთვის, რადგან იქვე იყო რეანიმაციული განყოფილება, მაგრამ იმ რისკების გათვალისწინებით, რომ ანაფილაქსიური რეაქცია თეორიულად შესაძლებელია და უკავშირდება ვაქცინაციის პროცესს, მაინც უფრო უსაფრთხო არის მრავალპროფილურ კლინიკებში ამ პროცესის გაგრძელება. ამდენად ყველა ის ჯავშანი, რაც ჰქონდათ გაკეთებული ჩვენს კოლეგებს ამბულატორიულ დაწესებულებებში დღეს შეიცვალა და მათი გადანაწილება მოხდება მრავალპროფილურ კლინიკებში - ასეთი 40. იმისთვის რომ ჩარევა იყოს დროული",- ამბობს თამარ გაბუნია.