გაგრძელდება თუ არა ვაქცინაცია საქართველოში - ჯანდაცვის მინისტრის მოადგილე აცხადებს, რომ აღნიშნულ საკითხზე გადაწყვეტილებას იმუნიზაციის ჯგუფი და გვერდითი მოვლენების მართვის კომიტეტი მიიღებს:

"დღეს ჯანდაცვის სამინისტროში შეიკრიბება იმუნიზაციის ექსპერტთა ჯგუფი. ასევე გვერდითი მოვლენების მართვის კომიტეტი, რომელიც მიიღებს გადაწყვეტილებას ვაქცინაციის პროცესის შემდგომი გაგრძელების და ფორმატის თაობაზე, როგორ მოხდება ამ მოვლენის შემდეგ ვაქცინაციის პროგრამის განვითარება ქვეყანაში - ასტაზენეკაზე მაქვს საუბარი.

სტანდარტულად, როდესაც დგება სავარაუდო გვერდითი რეაქცია, ექსპერტების შეფასების საფუძველზე, თუ ეს არის მძიმე გვერდითი რეაქცია, და ეს შემთხვევა ასეთია, ამ შემთხვევაში, ვიდრე არ მოხდება შემთხვევის შესწავლა, ექსპერტების ჯგუფი იმსჯელებს იმაზე, ხომ არ შეჩერდეს ვაქცინაციის პროცესი, ვიდრე არ დადგინდება მიზეზშედეგობრივი კავშირი", - განაცხადა თამარ გაბუნიამ.

თამარ გაბუნიამ ექთნის ჯანმრთელობის მდგომარეობაზე ისაუბრა და აღნიშნა, რომ ეს არის უიშვიათესი გართულება:

„რთული რეაქციის გამომწვევი მიზეზი არის მძიმე ალერგიული რეაქცია, რომელიც „ასტრაზენეკას“ შემთხვევაში 5 მილიონიდან 41 შემთხვევაშია აღწერილი.