ვაქცინის შემდეგ კომაში ჩავარდნილი 27 წლის ექთნის და მედიასთან პირველ კომენტარს აკეთებს და ამბობს, რომ მისი დის ჯანმრთელობის მდგომარეობაზე ინფორმაცია ინტერნეტით შეიტყო.

მისივე თქმით, მასთან კონტაქტი ბოლოს გუშინ ჰქონდა.

"კომაში არისო და ახლა არ ვიცი რა მდგომარეობაშია. ბოლოს გუშინ ვნახე და ვაქცინის გაკეთებას აპირებდა დღეს. მეც ინტერნეტით გავიგე, რომ ეს მდგომარეობაა. დღეს კონტაქტი არ გვქონია“, – განაცხადა 27 წლის ექთნის დამ.

ცნობისთვის, ვაქცინაციის შემდეგ ახალციხეში მედდა კომაში ჩავარდა. აცრის შემდეგ 27 წლის ქალს ანაფილაქსიური შოკი განუვითარდა, რის შემდეგაც ის რეანიმაციულ განყოფილებაში გადაიყვანეს. ჯერჯერობით უცნობია, კონკრეტულად, რა გახდა გართულების გამომწვევი მიზეზი.