ვაქცინაცია და ზოგადად, ნებისმიერი წამალი არ გახლავთ დაზღვეული გევრდითი მოქმედებებისგან

ვაქცინაცია და ზოგადად, ნებისმიერი წამალი არ გახლავთ დაზღვეული გევრდითი მოქმედებებისგან - გამყრელიძე

შემთხვევა - 17:33, 18 Mar, 2021

1421

ახალციხეში მედიკოსის ვაქცინაციის შემდეგ კომაში ჩავარდნის შემთხვევას დაავადებათ კონტროლის ეროვნული ცენტრის ხელმძღვანელი ამირან გამყრელიძე სპეციალური ბრიფინგის მეშვეობით გამოეხმაურა და განაცხადა, რომ მსოფლიოში ვაქცინაციასთან დაკავშირებული გვერდითი მოვლენები არსებობს, თუმცა, იშვიათ შემთხვევაში ხდება ეს. მისი განმარტებით, არის გვერდითი მოვლენების სხვადასხვა ტიპი, რომლებიც ზოგ შემთხვევაში მსუბუქად, ზოგჯერ კი მძიმედ სრულდება:

"მოგეხსენებათ, რომ ვაქცინაცია და ნებისმიერი წამალი არ გახლავთ დაზღვეული გევრდითი მოქმედებებისგან. ვაქცინებზე, ზოგადად, არსებობს მსუბუქი გვერდითი მოქმედებები და არსებობს სერიოზული შემთხვევები. ყველაზე სერიოზული გვერდითი მოქმედება, რომელიც ვითარდებქა სწრაფად, ვაქცინის, წამლის ან ანტიბიოტიკის შეყვანის შემდეგ, ეს გახლავთ ანაფილაქსიური რეაქცია, რომელიც ვითარდება ინექციიდან 15-20-30 წუთში. თუმცა, შესაძლებელია იყოს მოგვიანებითი რეაქციაც. ზოგადად მიღებულია, რომ საშუალოდ იმ ვაქცინებზე, რომელსაც იყენებს კაცობრიობა ბავშვების ასაცრელად, ანაფილაქსიური რეაქციები ხდება დაახლოებით მილიონზე ერთი. გააჩნია, ზოგერთ ვაქცინაზე შეიძლება იყოს ერთზე მეტი.

ანაფილაქსიური რეაქცია შეიძლება წავიდეს მსუბუქად და ასევე საკმაოდ მძიმედ, სამწუხაროდ, შესაძლოა, დამთავრდეს კიდეც ფატალურად. ერთ-ერთი ყველაზე მძიმე გამოვლინება გახლავთ ანაფილაქსიური შოკი. დღევანდელ პერიოდში, როდესაც ანტიკოვიდური ვაქცინები შეიქმნა, განსხვავებით რუტინული ვაქცინებისა, ყველა ვაქცინას (მოგეხსენებათ, დაახლოებით ექვსი ვაქცინა შეიქმნა), აქვს გვერდითი მოქმედებები.ლ როდესაც იცრებიან ადამიანები, იგივე ჩვენთან რამდენიმე დღეა მიმდინარეობს უკვე აცრის პროცესი, ბარათზე უკანა მხრიდან წერია, რა არის ხშირი გვერდითი მოვლენა და შედარებით ნაკლებად ხშირი გვერდითი მოვლენა. ასევე, აცრის პროცესამდე არსებობს სპეციალური გამოკითხვითი ბარათები, როდესაც ექიმი ეკითხება ამ ბარათის მიხედვით და გებულობს პაციენტის იმ კონკრეტულ რისკებს, რის გამოც შესაძლოა გვერდითი მოვლენები განვითარდეს. ეს ბარათი დამტკიცებულია შესაბამისი ნორმატიული აქტით. კორონავირუსის ვაქცვინებს აქვს შემდეგი გვერდითი მოვლენები - ტემპერატურის მატება, სახსრების ტკივილი, თავის ტკივილი. ამ ტიპის გამოვლინებები დაახლოებით არის 10-დან 50-მდე და ზოგ შემთხვევაში მეტ პროცენტში.
ანაფილაქსიური გამოვლინებები შედარებით იშვიათია, ამიტომ, ეს ყველაფერი აღინუსხება ქვეყანაში შესაბამისი სისტემით, რომელსაც ჰქვია იმუნიზაციის შემდგომი რეაქციების კომიტეტი. დღემდე, რაც ჩატარდა ქვეყანაში - 3 365 აცრა, ასეთი გვერდითი მოვლენები, რომელზეც შეტყობინება შემოვიდა, იყო მხოლოდ ოთხი. ძირითადად, გამოვლენილია მსუბუქი ტემპერატურითა და მსუბუქი ტკივილით, მაგრანმ სერიოზული ანაფილაქსიური რეაქცია არ ყოფილა.
დღეს, აცალციხეში, იმედის კლინიკაში, რომელიც აწარმოებს ვაქცინაციას უკვე სამი დღეა, აცრილი ჰყავს დაახლოებით 16 ადამიანი, 12:15 საათზე აიცრა ჩვენი კოლეგა, 27 წლის ქალბატონი, რომელიც, როგორც ვიცი, ანამნეზით სისტემატიურად იტარებდა გრიპის საწინააღმდეგო აცრას და აქამდე არ ჰქონია ალერგიული რეაქცია. ამ აცრის შემდეგ ამ მედიკოსმა პირდაპირ ეთერში მოუწოდა სამედიცინო პერსონალს აცრების გააქტივებისკენ. სამწუხაროდ, 30 წუთში განვითარდა რეაქცია. ჩვენ ჯერ არ ვიცით, ეს იყო ალერგიული რეაქცია თუ სხვა ტიპის რეაქცია. ექიმების თქმით, ს ჰგავდა ანაფილაქსიურ რეაქციას.
მას დროულად ჩაუტარდა გადაუდებელი დახმარება, რაც ამ დროს პროტოკოლით არის გაწერილი, არ მოიხსნა რეაქცია, ამიტომ, გადაყვანილი იქნა რეანიმაციულ განყოფილებაში. ავადმყოფის მდგომარეობა მალე დამძიმდა და საჭირო გახდა მისი ინტუბირება და ხელოვნურ სუნთქვაზე გადაყვანა. ამჟამად ჩასულია ადგილზე კატასტროფის მედიცინის ბრიგადა და ავადმყოფის გადმოყვანა ხდება თბილისში. დაწყებულია შემტხვევის მოკვლევა სამედიცინო საქმიანობის რეგულირების სააგენტოს მიერ, პროცესში ჩართულნი არიან იმუნიზაციის უსაფრთხოების ექსპერტთა ეროვნული კომიტეტის წევრები და ამ ეტაპზე მიზეზ-შედეგობრივ კავშირზე ჯერ-ჯერობით ვერ ვისაუბრებ, სანამ არ დასრულდება მოკვლევა" - განაცხადა ამირან გამყრელიძემ.