მომღერალი ნუცა ბუზალაძე პირველი ადამიანი იყო, რომელმაც ბერა ივანიშვილს მის გარშემო აგორებული სკანდალის შემდეგ საჯაროდ მხარი დაუჭირა.

ბუზალაძე ამბობს, რომ ბერას 13 წლიდან იცნობს და მასზე დიდი ამაგი აქვს და ერთი წამითაც კი არ უფიქრია იმაზე, ვინ რას იტყოდა ან დაედო თუ არა ეს მხარდსაჭერი პოსტი.

"დიახ, სტამბოლიდან რომ ჩამოვედი, მეორე დღეს ატყდა ეს ამბები, მეც და დედაჩემიც ძალიან ვნერვიულობდი, ორივეს ძალიან გვიყვარს ბერა, მე მას 13 წლიდან ვიცნობ.

ჩემი აზრით, ბერა არის უკარგესი და უთბილესი ადამიანი, ის ძალიან ნიჭიერია, ის ჩემი მეგობარია, მე ის ბევრ რაღაცაში დამიდგა მხარში, მას ჩემზე ძალიან დიდი ამაგი აქვს.

ამიტომაც სოციალურ ქსელში ჩემი აზრი დავაფიქსირე და ერთი წამითაც არ მქონია იმის ფიქრი, რომ არ დამედო, ან მეფიქრა, ვინ რას იტყოდა, ეს არ მაინტერესებდა.

ზოგადად ქვეყანაში მიმდინარე მოვლენების შესახებ კომენტარს არასდროს ვაკეთებ მხოლოდ მაშინ, როდესაც ნერვები ძალიან მეშლება და ეს სწორედ ასეთ შემთხვევა იყო.

მეგობრებმა მითხრეს, რომ ჟურნალისტებმა მომნიშნეს, მაგრამ მე ამაზეც ნაფიქრი მაქვს, ჩემს "ვოლზე“ ყველაფერი ვერ მოხვდება. ჩემგან საპასუხოდ კომენტარი არ იქნება, ეს ძალიან სასაცილოა.” - ამბობს ბუზალაძე "ვიზიტორთან".