დაავადებათა კონტროლის ცენტრისდირექტორი, ამირან გამყრელიძე ამბობს, რომ დაბალია იმ მედპერსონალის რიცხვი, ვინ კორონავირუსის ვაქცინის გაკეთებისთვის დარეგისტრირდა ან უკვე აიცრა.

"4 532 მედიცინის მუშაკის ჯავშანია მხოლოდ პორტალზე, 1 375 აიცრა, გუშინ 727 და დღეს 648, რაც არის საკმაოდ დაბალი ციფრი",- აღნიშნავს გამყრელიძე.

მისივე თქმით, გეგმაშია, რომ 43 ათასი დოზა ვაქცინა მომავალი ორი კვირის განმავლობაში იყოს ადმინისტრირებული, რაც ნიშნავს, რომ დღეში საშუალოდ 3 ათასი დოზა უნდა გაკეთდეს.

"ყველას მოგიწოდებთ და გთხოვთ, ვაქცინაცია დაწყებულია ქვეყანაში, თქვენთან ერთად საჭიროა ახლა ტემპის მომატება, თუ ჩვენ გვინდა, რომ დავასრულოთ ეპიდემია ქვეყანაში", - განაცხადა გამყრელიძემ.