"თავად ჯორჯო არმანიმ მომკიდა ხელი და მომცა ის ტანსაცმელი, რომელიც ჩვენებაზე უნდა ჩამეცვა"- ზინი ქაჯაია

სოც.მედია - 14:54, 16 Mar, 2021

1569

მსოფლიო მოდის პოდიუმზე კიდევ ერთი წარმატებული ქართველი გოგონა გამოჩნდა – ზინი ქაჯაია. როგორც თავად ამბობს, ის თავად ჯორჯო არმანიმ შეამჩნია, ხელი მოჰკიდა და მილანის მოდის კვირეულის ჩვენების გახსნის პასუხისმგებლობაც, სწორედ, 17 წლის, ახალბედა მოდელს დააკისრა.

"მილანის მოდის კვირეულზე საკმაოდ დიდი კონკურენციაა. ყველა სეზონზე უამრავი მოდელი ჩამოდის და რთულია, რომელიმე ჩვენებაზე დაგამტკიცონ, მით უმეტეს, ახალი მოდელი. ამ მხრივაც იღბლიანი აღმოვჩნდი (იცინის). პირველ სეზონზე ორ შოუში მომიწია გამოსვლა, ეს იყო იტალიური ნაკლებად ცნობილი ბრენდების ჩვენება. ეს ჩემი დებიუტი გახლდათ მილანის „ფეშენ-ვიქზე“ და აქედან უკვე მოვხვდი ემპორიო არმანის ჩვენებაზე, რომელიც მე გავხსენი. სხვათა შორის, მართლა თავად ჯორჯო არმანიმ შემამჩნია ქასთინგზე, მომკიდა ხელი და თავად მომცა ის ტანსაცმელი, რომლიც ჩვენებაზე უნდა ჩამეცვა. მოვირგე და რომ გამოვედი, მითხრა: შენ გახსნი ჩვენებას! შოკისგან კინაღამ გული წამივიდა (იცინის). ასე რომ, დიდ პოდიუმზე თავად ჯორჯო არმანის მიერ შერჩეული ლუქით გამოვედი და უბედნიერესი ვიყავი. არა მარტო გავხსენი ჩვენება, არამედ სამი ლუქიც მოვირგე, პოდიუმზეც გავედი. ჩემს უკან იდგენენ ულამაზესი და უწარმატებულესი მოდელები, რომლებმაც ამ სფეროში ურთულესი გზა გაიარეს და მე, 17 წლის, ფაქტობრივად, ახალბედა მოდელმა, გავხსენი ჩვენება, ეს ხომ წარმოუდგენელია? ვფიქრობდი, ნეტა რით დავიმსახურე-მეთქი (იცინის). თან, ჩემი ასაკისა და გამოცდილების მიუხედავად, საკმაოდ სოლიდური თანხა გადამიხადეს" , - ამბობს "თბილისელებთან"