ჯანდაცვის მინისტრ ეკატერინე ტიკარაძის ინორმაციით, ვაქცინაციის პირველი დღისთვის 3 000 მედიკოსი დარეგისტრირდა და ამ დროისთვის 500 ექიმი აიცრა.

მინისტრის განცხადებით, ეს პროცესი რომ იქნებოდა რთული, გათვითცნობიერებული ჰქონდათ, თუმცა დარწმუნებულია, რომ ეტაპობრივად ვაქცინის მიმართ სანდოობა უფრო გაიზრდება.

"ეს პროცესი რომ იქნებოდა რთული, გათვითცნობიერებული გვქონდა. დარწმუნებული ვარ, რომ ეტაპობრივად ვაქცინის მიმართ სანდოობა უფრო გაიზრდება.

ჩვენი ექიმებიც, გამომდინარე იქიდან, რომ წინა ხაზზე არიან, ის, რომ დღეს ჩვენ ვცრით ექიმებს და არა რომელიმე სხვა ჯგუფს, პრიორიტეტია ეს ჯგუფი და ამიტომ იცრებიან, ვუფრთხილდებით მათ ჯანმრთელობას, ეს არის ზრუნვის კომპონენტი, ასეთია საერთაშორისო მიდგომა ექიმების მიმართ, სოლიდარობის გამოხატვაა, როცა ჩვენ საკუთარ ვაქცინას ვუთმობთ ექიმებს, ვცრით პირველად მათ.

დარწმუნებული ვარ, საქართველო იქნება ერთ-ერთი გამორჩეული ქვეყანა, სადაც სწორად და შეუფერხებლად წარიმართება ეს პროცესი," - განაცხადა ეკატერინე ტიკარაძემ "რუსთავი 2"-თან.

საქართველოში COVID-19-ის საწინააღმდეგო ვაქცინაციის პროცესი დღეიდან დაიწყო. პირველ ეტაპზე ვაქცინაცია სამედიცინო პერსონალს ჩაუტარდება.