რუსმა პოლიტოლოგმა პუტინის შემცვლელად მოულოდნელი პიროვნება დაასახელა

მსოფლიო - 17:18, 15 Mar, 2021

5324

რუსეთის პრეზიდენტის არჩევნებამდე 3 წელია დარჩენილი, თუმცა, რუს პოლიტოლოგებს შორის აქტიურად მიმდინარეობს საუბრები პრეზიდენტობის ახალ კანდიდატებთან დაკავშირებით. მიუხედავად იმისა, რომ საკონსტიტუციო ცვლილებების შემდეგ პუტინს უფლება აქვს კიდევ ერთხელ იყოს არჩეული ქვეყნის უმაღლესი პირის პოსტზე, თავად მოქმედი პრეზიდენტის განცხადებით, ის ამ საკითხზე ჯერ არ ჩამოყალიბებულა. შეგახსენებთ, რომ პუტინი 2024 წელს 72 წლის იქნება.

აღსანიშნავია, რომ დასავლელი ექსპერტები და ჟურნალისტები პუტინის შემცვლელად მოქმედ პრემიერ-მინისტრს მიხეილ მიშუსტინს ასახელებენ, რომელსაც რუსეთის მოსახლეობის 60% ენდობა.

ამ ფონზე მოულოდნელი იყო პოლიტოლოგ ეგორ შატროვის მიერ დასახელებული სრულიად ახალი პოლიტიკური ფიგურა. მისი განცხადებით, პუტინის შემცვლელად შესაძლოა ახალგაზრდა, მაგრამ გამოცდილი გუბერნატორი ვიხილოთ, რომელიც წარმატებით ართმევს თავს დაკისრებულ მოვალეობას, რომელიც შემდგომ, გარკვეული პერიოდის მანძილზე, ფედერალურ დონეზე შეიძენს გამოცდილებას.

ასეთ კანდიდატურად შატროვმა კალინინგრადის ოლქის გუბერნატორი ანტონ ალიხანოვი დაასახელა, რომლის კანდიდატუირაც დღენდე არავის განუხილავს.