პარლამენტის ვიცე-სპიკერის დავით სერგეენკოს განცხადებით, "ასტრაზენეკა" უსაფრთხოა და ამ ვაქცინით მრავალ განვითარებულ ქვეყანაში უკვე მილიონობით ადამიანი აიცრა. მისი შეფასებით, ვაქცინაცია კორონავირუსთან ბრძოლის ეფექტური იარაღია:

„ის შემთხვევა, რის გამოც დანიაში, ავსტრიასა და რამდენიმე ქვეყანაში ორი კვირის განმავლობაში შესასწავლად შეჩერდა პროცესი, დასკვნა გუშინწინ დაიდო. ითქვა, რომ ეს გართულებები და ერთი ფატალური შემთხვევა კავშირში არ არის ვაქცინაციასთან. ჯერ-ჯერობით ვაქცინაცია არის ერთადერთი ეფექტური საშუალება პანდემიასთან ბრძოლის. ყველას ვთხოვ, ამ შემთხვევაში მხოლოდ პროფესიონალებს დაუჯერონ. „ასტრაზენეკას“ ვაქცინა არის უსაფრთხო და ყველამ უნდა გაიკეთოს", - განაცხად დავით სერგეენკომ.