"როგორა ხარ დაბულინგებულო გოგო?!“ ოდნავი ღიმილით მკითხა დღეს დედაჩემმა...ვინ დაიცავს ქალ უფლებადამცველებს? ან რომელ გოგოს მოუნდება უფლებადამცველობა ამის შემყურეს,იფიქრეთ ამაზე!"

"როგორა ხარ დაბულინგებულო გოგო?!“ ოდნავი ღიმილით მკითხა დღეს დედაჩემმა...ვინ დაიცავს ქალ უფლებადამცველებს? ან რომელ გოგოს მოუნდება უფლებადამცველობა ამის შემყურეს,იფიქრეთ ამაზე!" - პატარაია

სოც.მედია - 22:07, 14 Mar, 2021

2746

უფლებადამცველი , ბაია პატარაია, მის მიმართ განხორიციელებულ ძალადობასა და ბულინგზე სოციალურ ქსელში ემოციურ პოსტს აქვეყნებს.

მისივე თქმით, ის სიძულვილის, გინების და ფურთხის ნიაღვარი, რაც ქალი უფლებადამცველებს თავზე დაატყდათ ქალებზე ძალადობის ერთ-ერთი ფორმაა.

პატარაია საზოგადოებას სიფრთხილისკენ მოუწოდებს და მიმართავს კითხვით: "რომელ გოგოს მოუნდება უფლებადამცველობა ამის შემყურეს. იფიქრეთ ამაზე".

"ვინ დაიცავს ქალ უფლებადამცველებს? ეს სამი დღეა რომ ფეხით შედგნენ ზედ, მხოლოდ იმიტომ, რომ მათ საზოგადოებას შეახსენეს, რომ წარმატებული სპორტსმენი მოძალადედაა აღიარებული ადმინისტრაციული სასამართლოს მიერ, ხოლო პროკურატურამ ძალადობის ხუთ ეპიზოდზე წაუყენა ბრალი მას.

ის სიძულვილის, გინების და ფურთხის ნიაღვარი, რაც ქალი უფლებადამცველებს თავზე დაატყდათ ქალებზე ძალადობის ერთ-ერთი ფორმაა.

ჰოდა, ვინ დაიცავს ქალ უფლებადამცველებს? ჯერჯერობით არავინ… არც ერთი განცხადება კი არა, სტატუსიც არ შემხვედრია მათი მხარდამჭერი.

"როგორა ხარ დაბულინგებულო გოგო?“ ოდნავი ღიმილით მკითხა დღეს დედაჩემმა, სანახავად როცა მივედი. საღამოს ვთქვი მთელი დღეა თავი მტკივა თქო, “ნერვიულობისგან?” მეკითხება ჩემი და და თვალებში მიყურებს, რომ როგორმე იქ წაიკითხოს ნამდვილი პასუხი. “ვეღარ ვმუშაობთ…” მითხრა გუშინ ნეკას უფლებადამცველმა, ანა არგანაშვილმა.

ვინ დაიცავს ქალ უფლებადამცველებს? ან რომელ გოგოს მოუნდება უფლებადამცველობა ამის შემყურეს. იფიქრეთ ამაზე!“, – წერს პატარაია.