ნიკოლოზ ბასილაშვილის მამა , ნოდარ ბასილაშვილი, მისი შვილის წარმატებასა და ემოციებზე საუბრობს და ამბობს, რომ აფიშა რომ ცნობილი გახდა და გაირკვა ნიკა როჯერს დაუპირისპირდებოდა უკვე იყო დიდი მოვლენა მისთვის და ქართველი გულშემატკივორბისთვის.

თუმცა, როგოც თავად ამბობს, მოგებაზე ვერც კი იფიქრებდა რადგან, მისივე თქმით, ეს იქნებოდა "დიდი სითავხედე".

"აფიშა რომ ცნობილი გახდა და გაირკვა ნიკა როჯერს დაუპირისპირდებოდა უკვე იყო ჩვენთვის და ალბათ ქართველი გულშემატკივრებისთვის დიდი მოვლენა. ფედერერს რომ შეხვდა, ეს ჩვენთვის უდიდესი ბედნიერება იყო, მიუხედავად იმისა, რომ რამდენიმე წლის წინაც ითამაშა მასთან.

აბა მოგებაზე როგორ ვიფიქრებდით? ეს ხომ დიდი სითავხედე იქნებოდა. არც წამომცდებოდა მსგავსი სიტყვები. მატჩის მიმდინარეობისას კი რაღაც იმედი მომეცა. შევატყვე, რომ არაფერს დაუთმობდა და საბედნიეროდ მოხდა ის, რაც მოხდა. დიდი სიამაყით აღვივსე, ემოციებზე აღარაფერს ვამბობ", - ამბობს "პრაიმსპორტთან" ნოდარ ბასილაშვილი.