COVID-19-ის საწინააღმდეგო ვაქცინის 3100 დოზა უკვე სამეგრელო-ზემო სვანეთის ყველა მუნიციპალიტეტშია - ამის შესახებ ინფორმაციას ჯანდავის სამინისტრო ავრცელებს.

მათივე ცნობით, 15 მარტს ვაქცინაცია დაიწყება ზუგდიდში "ევექსის" კლინიკასა და რეფერალურ ჰოსპიტალში. ხოლო ფოთში, სენაკში, წალენჯიხაში, მარტვილისა და მესტიის მუნიციპალიტეტებში ვაქცინაცია დაიწყება 17 მარტს. ჩხოროწყუში, აბაშასა და ხობში კი 18 მარტს.

ვაქცინაციის სამზადისს საზოგადოებრივი ჯანდაცვის ცენტრში სამეგრელო-ზემო სვანეთის სახელმწიფო რწმუნებული ნინო ვიბლიანი გაეცნო. მისი განმარტებით, ყველა ამცრელი კაბინეტის მედ პერსონალს გავლილი აქვს შესაბამისი ტრენინგები.