ბრიტანეთის სამეფო ოჯახი მეგან მარკლის ინტერვიუს ეხმაურება. აღნიშნულის შესახებ „ბიბისი“ წერს.

„მთელი ოჯახი დამწუხრებულია იმის გაგებით, რამდენად რთული იყო ჰარისა და მეგანის ბოლო წლები. წამოჭრილი საკითხები, კერძოდ კი რასიზმთან დაკავშირებული საკითხი, შემაშფოთებელია. მიუხედავად იმისა, რომ ზოგიერთი მოგონება განსხვავებულია, ჩვენ ის სერიოზულად მივიღეთ და მას ოჯახის მიერ პასუხი გაეცემა პირადად. ჰარი, მეგანი და არჩი ყოველთვის იქნებიან ოჯახის საყვარელი წევრები“, – აღნიშნულია სამეფო სახლის განცხადებაში.

8 მარტს მსოფლიო მეგან მარკლისა და პრინცი ჰარის ინტერვიუ იხილა, რომელსაც ოპრა უინფრი უძღოდა და ის ტელეკომპანია CBS–მა აჩვენა. ორსაათიან ინტერვიუში წყვილმა სკანდალური განცხადებები გააკეთეს და სამეფო ოჯახი რასიზმშიც დაადანაშაულეს.