8 თვის ჩვილის გარდაცვალების საქმის შემზარავი გაგრძელება - "ბავშვი ჩემმა ქმარმა გამომგლიჯა და გაგუდა"

შემთხვევა - 13:00, 10 Mar, 2021

3665

გურჯაანში მომხდარი შემზარავი დანაშაულის კიდევ უფრო შემზარავი დეტალები - 8 თვის ჩვილის დედა ამბობს, რომ მისმა ქმარმა, საკუთარი შვილი დაახრჩო.

გარდაცვლილი ჩვილის დედა ამბობს, რომ ქმარმა 36 წლის ზურაბ შავლიაშვილმა თავდაპირველად მასზე დაიწყო ძალადობა და შეშის ღუმელი ესროლა, რის შემდეგაც 8 თვის შვილი გაგუდა.

"ხელიდან რომ გამომგლიჯა ბავშვი, ეტყობა არტერიაში მოარტყა. ეტყობა ყელში მოუხვდა და გაგუდა. მამამ მოკლა... მას არავითარი არ უცდია, აიყვანა და რაც ძალი და ღონე ჰქონდა აჯანჯღარებდა. მე განწირული ხმით ვყვიროდი - ხალხო მიშველეთ, თუმცა არავინ მიშველა. ვყვიროდი ბავშვს მომიკლავს, მაგრამ არავინ მომეშველა. დილას კი ყველამ მე გადამიარა - ხო გაგაფრთხილეთ გაცილებულიყავიო.

როცა ჩემი ხმა გაუიგეს, რატომ არ დამეხმარნენ?!"- აცხადებს გარდაცვლილი ჩვილის დედა.

ახალგაზრდა ქალის თქმით, ის ძალადობსი მსხვერპლი არაერთხელ გამხდარა, თუმცა ამბობს, რომ ქმარი უყვარდა.

"ვფიქრობდი გამოსწორდებათქო. აღარ დალევსთქო. ბავშვებს არ ურტყამდა"- ამბობს 25 წლის ქალი. ოჯახის ცნობით, ძალადობის შესახებ პოლიციამ იცოდა, გამოწერილი იყო შესაბამისი ორდერიც, თუმცა "არაფერი მოიმოქმედეს".