ლონდონში რამდენიმე შუქნიშანზე, რომელიც ქვეითებისათვისაა განკუთვნილი, „მწვანე კაცი“ ქალის გამოსახულებით ჩაანაცვლეს. აღნიშნული გუშინ მოხდა და ამ გზით ქალთა საერთაშორისო დღე აღინიშნა.

ლონდონის სატრანსპორტო კომპანიის წარმომადგენლის განცხადებით, აღნიშნული ცვლილებით სურდათ ქალის უდიდესი წვლილი დაეფიქსირებინათ ნებისმიერ საქმესა და საზოგადოებაში.

„მწვანე ქალები“ ლონდონის 20 სხვადასხვა ლოკაციაზე ინთებიან შუქნიშანზე, მათ შორის ცენტრალურ ქუჩებზე.

აღსანიშნავია, რომ ყველა შუქნიშანზე სხვადასხვა ფორმისა და ჩაცმულობის ქალის გამოსახულება ინთება, რომლებსაც სხვადასხვა ნივთები უჭირავთ.