ტეხასში, მაღაზია Gooddwill–ის თანამშრომლემა ქველმოქმედებისთვის შეწირულ ქურთუკში 5 000 ამერიკული დოლარი აღმოაჩინა.

Goodwill Fort Worth officials–ის წარმოამდგენლის თქმით, თებერვლის დასაწყისში ქსელის ერთ–ერთ მაღაზიაში მივიდა მამაკაცი, რომელმაც განაცხადა, რომ მისმა ცოლმა შემთხვევით ძველი ქურთუკი გაიღო ქველმოქმედებისთვის, რომელშიც იდო კონვერტი 5 000 ამერიკული დოლარით.

„ჩვენ დღეში 50–დან 200–მდე შემოწირულობას ვიღებთ, ასე რომ, როცა მომხმარებელი მოვიდა, ავუხსენი, რომ უნდა წავსულიყავით და დაგვეხარისხებინა ყველაფერი“, – აღნიშნავს მაღაზიის მენეჯერი.

თანამშრომლები 7 დღის მანძილზე ეძებდნენ დაკარგულ კონვერტს, თუმცა, უშედეგოდ. ძიებას ხელი იმ გამყინვარებამ შეუშალა, რაც ტექასში იყო. მენეჯერის თქმით, საბოლოოდ, კვირების შემდეგ თანამშრომელმა მაქაილა დელაპენმა კონვერტი მაინც იპოვა და მფლობელს დაუბრუნა.

თავად მპოვნელი კი კომპანიამ ბონუსით დააჯილდოვა და მადლობის მედალიც გადასცა.