მსახიობი და ილო ბეროშვილის მეუღლე ანი ბებია ამბობს, რომ მისთვის ორსულობა მოულოდნელი აღმოჩნდა, რადგან, მისივე თქმით, რამდენიმე წელი ვერ ფეხმძიმდებოდა.

მსახიობი პოსტ-სამშობიარო დეპრესიაზე საუბრობს და ამბობს, რომ ორსულობაც და მშობიარობის შემდგომი პერიოდიც მისთვის რთული აღმოჩნდა - მისივე თქმით, მეუღლესათან ურთიერთობაც კი აერია , სულ ტიროდა.

"ორსულობა ჩემთვის იყო სრულიად მოულოდნელი, რადგან რამდენიმე წელი ვერ ვფეხმძიმდებოდი. არ მივლია ექიმებში და არც ვგეგმავდი, რადგან ვფიქრობდი, რომ ჯერ კარიერა იყო, პატარა ვარ.

ალბათ 40 წლისაც ვიტყოდი, რომ პატარა ვარ-თქო, რომ უცებ აღმოვჩნდი ორსულად. სრული შოკი იყო ჩემთვის, ვერ ვხდებოდი რა ხდებოდა ჩემს თავს. ვფიქრობდი, რომ უარი უნდა მეთქვა კარიერაზე, რადგან ფილმზე ვიყავი დამტკიცებული, იქ თეატრი და ძალიან ცუდად იმოქმედა მოკლედ ჩემზე ორსულობამ.

აგვერია ურთიერთობა მე და ჩემს მეუღლეს და წავიდა და წავიდა ასე ცუდი განწყობა. მშობიარობის შემდეგ ყველაფრის მეშინოდა და ყოველ დღე და ღამეც კი ვტიროდი.

ეს პერიოდი მქონდა დაახლოებით ორი თვე და მეგობარმა მითხრა, რომ დეპრესია გაქვს”, – ამბობს მსახიობი გადაცემაში ჯანმრთელობის ფორმულა.