ტრეფიკინგის შესაძლო მცდელობა თბილისში - 19 წლის გოგომ 13 წლის არასრულწლოვანი მოტყუებით ბათუმში ჩაიყვანა, საიდანაც მისი თურქეთში გადაყვანა ჰქონდა განზრახული.
მოზარდი გოგონას დედის თქმით, ახალგაზრდა ქალმა ის ფანჯრიდან მაშინ გადააპარა, როდესაც ოჯახის წევრებს ეძინათ. მისი განმარტებით, ქალს თანამზრახველები ჰყავდა, გოგონას დაბადების მოწმობა კი დახია და ყალბი დოკუმენტებით სურდა სხვა პიროვნების სახელიტა და გვარით გადაეყვანა საზღვარზე:
"დაელოდა ჩემს ჩაძინებას, ბავშვი ფანჯრიდან გადააპარა, დილი 5-დან 6-მდე პერიოდში. 7-ის ნახევარზე მეუღლე მაღვიძებს და მეუბნება, რომ ბავშვი არ არის სახლში და მივმართე პოლიციას. დიდი საფუძველი და ეჭვები მაქვს იმისა, რომ ეს არის ტრეფიკინგი, რადგან იქიდან უკავშირდებოდა პიროვნება ამ გოგონას და ეუბნებოდა, რომ ბავშვის გადაყვანის პრობლემა საზღვარზე არ იყო და ამზადებდნენ ბავშვს გადასაყვანად. ეს ყველაფერი პოლიციას და ჩემს გამომძიებელს ვთხოვე, რომ მიიყვანეთ ბოლომდე და დღესაც დავუკავშირდი, ასე მეუბნებიან ბავშვი, ხომ სახლში გყავს მეტი რა გინდა. ხელწერილის საფუძველზე გუშინ ის გოგო დედამისს გააყოლეს სახლში. ძალოვან უწყებებზე ძალიან სერიოზული ეჭვი მაქვს", - განაცხადა მოზარდის დედამ.
"ერთ-ერთი იყო თავისი საქმრო, საქმოს ეძახდა, მას ელაპარაკებოდა, რომ უნდა გადავსულიყავით, თავიდან გვინდოდა თურქეთში გადავსულიყავით, ვერ ვაგვარებ საქმესო ეს ბიჭი ეუბნებოდა, შემდეგ უთხრა, რომ შევძლებდი ყალბი პირადობით და პასპორტით თურქეთში გადასვლას. არ მჯეროდა. ყალბი პასპორტებით, როგორ უნდა გადავიდეთ თქო. მაგრამ, ისე მქონდა გონება არეული, რომ ბოლოს მეთქი თუ გადავალთ კარგი გადავიდეთ", - თქვა არასრულწლოვანმა.
საქმეზე გამოძიება უკვე დაიწყო, თუმცა, სავარაუდო დამნაშავე ამ დროისთვის დაკავებული არ არის - ის პოლიციამ ხელწერილის საფუძველზე გაათავისუფლა.
მასალის გამოყენების პირობები