როგორ ერთობა პუტინის მესამე ქალიშვილი მოსკოვის ერთერთ კლუბში (ვიდეო)

მსოფლიო - 16:52, 07 Mar, 2021

3760

ქსენია სობჩაკმა თავის Telegram-არხზე გაავრცელა ვიდეო, სადაც ასახულია, თუ როგორ ერთობა პუტინის სავარაუდო მესამე ქალიშვილი ელიზავეტა (ლუიზა) მოსკოვის ერთერთ კლუბ "Ровесник"-ში. ჩანაწერში გოგონას, რომელიც ძალიან ჰგავს მამამისს, შავი ქურთუკი და კეპი აცვია.

აღსანიშნავია, რომ კლუბმა თავის Instagram გვერდზე ასეთი სარეკლამო ანონსი გაავრცელა:

"ჩვენთან ჩრდილოეთის დედაქალაქიდან გოგონა-გამოცანა ჩამოვა, რატა თავისი პირველი დიჯეი-სეტი ჩაატაროს".

სობჩაკი ტელეგრამ-პოსტში აღნიშნავს, რომ ვიდეოში ნაჩვენები გოგონა, რომელიც ჰგავს პუტინის მესამე ქალიშვილს, კლუბში მოვიდა ავტომობილით, რომელსაც სამთავრობო ნომერი ჰქონდა.

პუტინის ქალიშვილის ყოფნას ისიც ადასტურებს, რომ იმ საღამოს კლუბის წინ გასაოცრად დიდი რიგი იდგა და შესულ ადამიანებს განსაკუთრებულად ამოწმებდნენ.

გასულ წელს მედიაში გავრცელდა ინფორმაცია, რომ ვლადიმერ პუტინს კიდევ ერთი, მესამე საიდუმლო ოჯახი ჰყავს. საუბარია სვეტლანა კრივანოგიხზე, რომელსაც პუტინი ჯერ კიდევ 90-იანი წლების დასაწყისში იცნობდა და რომელსაც 2003 წელს გაუჩნდა ქალიშვილი ელიზავეტა, რომლის მამის ვინაობაც საბუთებში მოხსენიებული არ არის, თუმცა, ოფიციალურად სახელად ის "ვლადიმერის" ასულია. როგორც რუსული მედია აცხადებს, ლუიზა გასაოცრად ჰგავს რუსეთის პრეზიდენტს.