ინფექციური საავადმყოფოს ხელმძღვანელი თენგიზ ცერცვაძე აცხადებს, რომ მესამე ტაღლა , რა თქმა უნდა, მოსალოდნელია , თუმცა მისივე თქმით, "ეს ბედისწერაა არაა და ჩვენს ხელშია ავიცილებთ თუ არა".

ინფექციონისტის განმარტებით, საქართველო მესამე ტალღისგან დაზღვეული რომ იყოს, პირბადეების ტარების მაჩვენებელი, 90%-ზე უნდა ავიდეს.

"მესამე ტალღა, რა თქმა უნდა, მოსალოდნელია, ყოველ შემთხვევაში ევროპის ქვეყნები ელოდებიან. მერკელმა პირდაპირ თქვა, რომ ველოდებით მესამე ტალღას და გაახანგრძლივა მკაცრი "ლოქდაუნი" 7 მარტამდე. ამერიკაში უკვე მეოთხე ტალღაზე საუბრობენ. მოსალოდნელია, თუმცა ეს არაა სავალდებულო, ეს არაა ბედისწერა. ჩვენს ხელშია, ავიცილებთ თუ არა ამ მესამე ტალღას. ამაში დაგვეხმარება ვაქცინა, მაგრამ სანამ არაა ვაქცინა, ჩვენი ბედი და მესამე ტალღის ბედი არის ჩვენს ხელში. პირბადეების ტარება არის უმნიშვნელოვანესი" , - განაცხადა ცერცვაძემ.