რამდენიმე დღის წინ თბილისის 161-ე საჯარო სკოლაში დირექტორს, 4 პედაგოგს, ორ დარაჯსა და მოსწავლეების ნაწილს კორონავირუსი დაუდასტურდა. ინფიცირების მატების გამო ის კლასები, რომლებსაც კონტაქტი ჰქონდათ ინფიცირებულებთან, სწავლების დისტანციურ რეჟიმზე გადავიდნენ.

დრეს ცნობილი გახდა, რომ ინფიცირებული პედაგოგების რაოდენობა 8-მდე გაიზარდა - ამის შესახებ განათლების მინისტრის მოადგილემ ეკატერინე დგებუაძემ ბრიფინგზე განაცხადა:

"ამ პედაგოგებისთვის ვირუსის გამოვლენა სწორედ წინასწარი ტესტირების შედეგად მოხდა. იყო დროული რეაგირება, სკოლის ადმინისტრაციამ მიმართა ადგილობრივი ჯანდაცვის ცენტრს, მიიღო მათგან რეკომენდაციები და სწორედ ამ რეკომენდაციების საფუძველზე საფუძველზე, სკოლის ნაწილი დისტანციურ რეჟიმზე გადავიდა", - აღნიშნა დგებუაძემ.